SHARE

ಬೆಳಗಾವಿ: ಮೊದಲಿನ ವರಂತೆಯೇ ಅಧ್ಯಯನದ ನೆಪದಲ್ಲಿ ಪಾಲಿಕೆ ಸದಸ್ಯರು ಈ ಬಾರಿಯೂ ಜಾಲಿ ಟೂರ ಮುಗಿಸಿ ಬಂದಿದ್ದು ಅಧ್ಯಯನ ಪ್ರವಾಸದ ನಂತರ ಇದೇ ಮೊದಲಬಾರಿ ಪರಿಷತ್ ಸಭೆಯಲ್ಲಿ ಎಲ್ಲ ಸದಸ್ಯರು ಸೇರಿದ್ದರು.ತಮ್ಮ ತಮ್ಮ ಅನುಭವವನ್ನು ಹಂಚಿಕೊಳ್ಳುತ್ತಾ ಎಲ್ಲರೂ ಚಂಡೀಗಡ ನಗರ ಪಾಲಿಕೆಯ ಬಗ್ಗೆ ಪ್ರಶಂಸೆಯ ಮಾತನಾಡಿದರು. ಕೆಲವರು ಅಲ್ಲಿಯ ಒಳಚರಂಡಿ ಹಾಗೂ ತ್ಯಾಜ್ಯ ವಿಂಗಡಣೆ ಮರುಬಳಕೆ ಬಗ್ಗೆ ಉದಾಹರಿಸಿದರೆ ಕೆಲವರು ಟ್ರಾಫಿಕ್ ಹಾಗೂ ಪಾರ್ಕಿಂಗ್ ವ್ಯವಸ್ಥೆ ಬಗ್ಗೆ ಪ್ರಶಂಶಿಸಿದರು.

ಇದಕ್ಕೆ ಮಧ್ಯ ಪ್ರವೇಶಿಸಿ ಮಾತನಾಡಿದ ಸರಳಾ ಹೆರೇಕರ ಜನರ ದುಡ್ಡಲ್ಲಿ ಚಂಡೀಗಡಕ್ಕೆ ಹೋಗಿ ಮಜಾ ಮಾಡಿ ಬಂದಿದ್ದೀರಿ ಅದೇ ದುಡ್ಡನ್ನು ನಗರದ ಅಭಿವೃದ್ಧಿಗೆ ವಿನಿಯೋಗಿಸಬಹುದಿತ್ತು ಎಂದು ಆಕ್ರೋಶ ವ್ಯಕ್ತ ಪಡಿಸಿದರು. ಅದೇ ರೀತಿ ಯಾವುದೇ ಕೆಲಸಗಳಿದ್ದರೂ ಅಧಿಕಾರಿಗಳು ಸ್ಪಂದಿಸುವದಿಲ್ಲ ಕೇವಲ ಹಾರಿಕೆ ಉತ್ತರ ನೀಡುತ್ತಾರೆಯೆ ವಿನಹ ಕೆಲಸ ಮಾಡುವದಿಲ್ಲವೆಂದು ಪಕ್ಷಾತೀತವಾಗಿ ಎಲ್ಲ ಸದಸ್ಯರು ಒಕ್ಕೊರಲಿನಿಂದ ಆರೋಪಿಸಿದರು. ಚಂಡಿಗಡ ಮಾದರಿ ಮಾಡುವದು ಹಗುರವಾದ ಕೆಲಸವಲ್ಲ ಮೊದಲು ಸ್ಮಾರ್ಟ್ ಸಿ.ಟಿ. ಯೋಜನೆಯ ಅನುಷ್ಠಾನಕ್ಕೆ ಪ್ರಯತ್ನಿಸಬೇಕೆಂದು ಕೆಲ ಸದಸ್ಯರು ಇದೇ ಸಂಧರ್ಭದಲ್ಲಿ ಮನವರಿಕೆ ಮಾಡಿಸಿದರು.

(Photo C’tsy: Belgaum Live)